15 dəqiqə ərzində CV-nizi yaradın
Mütəxəssislər tərəfindən hazırlanmış rezüme şablonlarından ibarət pulsuz kolleksiyamız sizə izdihamdan seçilməyə və xəyal etdiyiniz işə bir addım yaxınlaşmağa kömək edəcək.
Hər iki səbəb aktual olsa belə, hazırlayacağınız ingilis dilində CV müraciətinizə uyğun, eyni zamanda mükəmməl olacaq və iş axtarışı prosesini öz xeyrinizə yekunlaşdırmağa kömək edəcək.
Kiçik, lakin vacib məsləhət
Azərbaycan dilində yazdığınız CV-ni qəti şəkildə ingilis dilinə tərcümə edib ondan xarici saytlara iş üçün müraciət etməyinizi tövsiyə etmirik. Çünki bir işə müraciət edərkən hazırladığınız CV-də nələrə diqqət yetirməli olduğunuz haqda məlumatlar həmin ölkənin və müraciət etmək istədiyiniz şirkətin öz daxili qayda-qanununa, eyni zamanda mədəniyyətinə bağlı olmalıdır.
Azərbaycan dilindən birbaşa digər dilə tərcümə edəcəyiniz CV-nin həmin ölkənin mədəni CV tələblərinə cavab vermə ehtimalı bu zaman çox aşağı səviyyədə olacaq.
İngilis dilində CV hazırlamaq üçün tövsiyələrə əməl etməklə siz qlobal iş dünyasında məqbul hesab olunan və peşəkarlığınızı əks etdirən İngilis dilində CV yarada bilərsiniz.
Gəlin ingilis dilində CV yaradarkən nələrə diqqət yetirməli olduğumuz vacib məlumatlarla tanış olaq
Əvvəla, CV-nizi ingilis dilində hazırlamağa başlayanda bunun çox da qısa bir proses olmadığı nəzərə alın. Çünki siz düzgün CV əldə etmək üçün müraciət edəcəyiniz qurumun və ölkənin mədəniyyətinə uyğun olaraq CV-nizi ingilis dilində hazırlamalısınız.
CV yaratmağa başlamazdan əvvəl özünüzə hansı sualları verməlisiniz?
- Universitet/İnstitut və ya texnikum həyatı sizə nələri bəxş etdi? Həmin fakültəni oxumağınızın səbəbi nədir? Siz nəyə görə həmin fakültəni seçdiniz?
- Karyera səyahətinizə hansı məqsədlərə çatmaq üçün başladınız?
- Təcrübə əldə etmək üçün iş yerlərini özünüz seçmisiniz? Bu zaman nə öyrənə bildiniz? Heç məzun olduqdan sonra işlədiyiniz vəzifələrin sizə nələr qatdığını və onlara nələri əlavə etdiyinizi düşünmüsünüzmü?
- İşlədiyiniz müddətdə məsuliyyətli olmağın nə qədər vacib olduğunu anladınızmı? Bununla belə məsuliyyətləriniz artıbmı?
- Müraciət etmək istədiyiniz yeni vəzifə karyera məqsədlərinizə tam olaraq uyğun gəlir?
- Ümumiyyətlə, insanlar sizi necə tanıyır? Hansı şəxsi xüsusiyyət sizi digərlərindən fərqləndirir?
Bu suallara cavab verdikdən sonra müraciət etmək istədiyiniz işə nə dərəcədə uyğun olub - olmamağı görmək sizə asan olacaq.
CV hazırlayarkən nəzərə alınmalı aşağıdakı 10 əsas məqamla tanış olun
- Qısa və lakonik yazın.
- Lazımsız şəxsi məlumatları yazmaqdan çəkinin.
- Birinci şəxsin adından yazmayın.
- Karyera tarixçənizi tərs xronoloji ardıcıllıqla qeyd edin.
- Nailiyyətlər və gördüyünüz işlər üçün marker nöqtələrindən istifadə edin.
- Təhsil müəssisələrini və ixtisasları tərs xronoloji ardıcıllıqla sadalayın.
CV hazırlamaq üçün iş elanını incələyərkən nələrə diqqət etmək lazımdır?
Xarici ölkədə hər hansı bir iş üzrə müraciət etmək istədiyiniz zaman öz mədəniyyətinizə uyğun hazırladığınız CV sizi tam əks etdirməyə bilər. Azərbaycan mədəniyyətində üstünlük verilən fotoşəkillər, cümlələr və CV bölmələri müxtəlif ölkələrdə tamamilə əks təəssürat yarada bilər.
Odur ki, müraciət etmək istədiyiniz iş elanını ətraflı oxumaq lazım gələcək. Daha sonra işi yerləşdirən şirkətin vebsaytını və sosial media hesablarını nəzərdən keçirməli olacaqsınız. Şirkət mədəniyyəti ilə tanış olduqdan sonra o ölkənin CV normalarını öyrənmək üçün internetdən istifadə etməli olacaqsınız.
CV-də şəkil
Məsələn, ana dilinin ingilis olduğu bəzi ölkələrdə CV-yə şəkil əlavə etmək sizin peşəkar olmadığınızdan xəbər verir. İş müraciətində daha vacib olan hissənin keçmiş təcrübələriniz və təhsiliniz olduğunu hesab edən Amerika kimi ölkələrdə CV-yə şəkil əlavə etmək ayrı-seçkilik mənasının daşıması kimi qəbul edilə bilər.
Açar sözlərə və ifadə tərzinə diqqət yetirin
İşəgötürənlər öz iş elanlarında müəyyən açar sözlərdən istifadə etməyi xoşlayırlar. Çünki onlar bu açar söz məlumatına malik insanların iş elanına çatmasını və müraciət etmələrini istəyirlər.
Müraciət etdiyiniz ölkənin mədəniyyətində əvvəlki iş təcrübələri və təhsil kimi məlumatlar üstünlük təşkil edirsə, xülasə bölməsində iş elanında açar sözlərdən istifadə etmək insan resurslarının sizi digər namizədlər arasında seçilmənizi asanlaşdıracaq.
Bundan əlavə, iş elanındakı sözlər sizə şirkətin peşəkarlığı haqqında çox şey deyir. Bu sizə həmin şirkəti seçib-seçməməyinizlə bağlı qərar verməkdə olduqca vacib rol oynayır. İngilis dilində istifadə olunan abbreviatura və ifadələri bilmək iş elanlarını daha asan başa düşməyə sizə kömək edəcək.
Tələblərə cavab verdiyinizi göstərə bilmək sizin seçilməyiniz üçün vacib şərtdir
Elanda müraciət etmək istədiyiniz vəzifə üçün lazım olduğu deyilən keyfiyyətləri müvafiq şəkildə ifadə edin. İngilis dilində özünüzü tərifləyərkən düzgün sözlərdən istifadə etdiyinizə əmin olun.
Əsasən keçmiş iş təcrübələriniz haqqında ardıcıllıqla yazaraq tələblərə cavab verdiyinizi göstərə bilərsiniz. Bu, sizin tələb olunan xüsusiyyətlərinizin başqaları tərəfindən də təsdiqlənə biləcəyi anlamına gəlir.
Məsələn, tələblərdən biri vaxtı yaxşı idarə edə bilən birini axtarırsa, bacarıqlar bölməsinə vaxtın idarə edilməsini əlavə etmək və keçmiş iş təcrübələri arasında aşağıdakı kimi təsviri əlavə etmək sizin CV-nizi digər CV-lərdən fərqləndirəcək.
Nümunə
İşəgötürənin Dəyərlərinə və Mədəniyyətinə Diqqət yetirmək
Əgər iş elanı işəgötürənin dəyərləri və mədəniyyəti haqqında məlumat verirsə, siz bu məlumatları nəzərə alıb CV-nizi buna uyğunlaşdıra bilərsiniz. Bu zaman işəgötürənlə uyğunlaşdığınızı göstərmək çox vacibdir.
Məsələn, şirkətin dəyərlərinin nə olduğunu araşdıra bilərsiniz. Onun missiyası və vizyonunun nə olduğunu görə bilərsiniz. Onun işçilərinə hansı imkanlar təklif etdiyini araşdıra bilərsiniz.
Xüsusilə xarici ölkə vətəndaşı olaraq müraciət edəcəyiniz bir iş yeri üçün şirkətin və o ölkənin dəyərlərini araşdırdığınızı və fərqli mədəniyyətlərə uyğun olduğunuzu göstərməyiniz sizə əlavə xal qazandıracaq.
İngilis dilində CV hazırlayarkən dil qaydaları nəzərə alınmalıdır
İngilis dili CV hazırlayarkən bəzi əsas dil qaydalarına diqqət yetirmək çox vacibdir ki, işəgötürənə dil biliklərinizin kifayət qədər olduğunu göstərə biləsiniz.
Peşəkar dildən istifadə etməkdə çətinlik çəkirsinizsə, internetdəki müxtəlif peşəkar tərcümə alətlərindən və ya hətta tərcümə dəstəyindən istifadə edərək CV-nizi ingilis dilində hazırlaya bilərsiniz.
Qrammatik səhvlərə yol verməməyə çalışın. İstifadə etdiyiniz bütün cümlə strukturlarının qrammatik cəhətdən düzgün olduğundan əmin olun. Qrammatik qaydalara, xüsusən də fel-əvəzlik uzlaşmasına və zaman ahənginə diqqət yetirin.
Böyük və kiçik hərflərin istifadəsinə diqqət yetirməyə çalışın. Öz araşdırmanızı aparın və durğu işarələrini səhv istifadə etməkdən çəkinin. Xüsusilə də durğu işarələrinin Azərbaycan dili ilə eyni olmadığını nəzərə alın.
Uzun cümlə quruluşları yaratmağa çalışmayın. Cümlələrinizi qısa tutmaq sizin nə demək istədiyinizi daha aydın izah etməyə kömək edəcək. Eynilə, paraqraflarınızı bir mövzuya yönəldin.
Orijinal ifadə: Öz bacarıqlarınızı və təcrübələrinizi təsvir edərkən orijinal və təsir edici ifadələrdən istifadə etməyə çalışın.
Standart ifadələrdən qaçın və sizi digər namizədlərdən fərqləndirən cəhətləri vurğulayın. Xüsusilə iş təcrübələrinizdən danışarkən seçdiyiniz eyni cümlə quruluşu ilə davam etməyə çalışın. Misal üçün: təcrübəli / təcrübəm var.
Cümlələrinizdə istifadə etdiyiniz ton mütləq peşəkar ton olmalıdır. Bütün cümlələrinizi sanki bir işəgötürənlə ünsiyyət qururmuş kimi məsuliyyətlə yazmalısınız.
Müraciət etdiyiniz ölkədə hansı ingilis dilindən istifadə etdiklərinə diqqət edin. Böyük Britaniyada müraciət etmək istədiyiniz vəzifə və Kanadada müraciət etmək istədiyiniz bir vəzifə üçün eyni söz və cümlə strukturundan istifadə etmək əvəzinə, Britaniya İngilis və ya Amerika İngilis dili kimi xüsusi variasiyanın incəliklərini araşdırın.
